Este sábado o club EDC Xinzo e o Concello de Xinzo de Limia organizan a II MasterClass de Ximnasia, no pavillón municipal. Nesta edición contarán coa medallista olímpica e campioa do mundo Lourdes Mohedano.

Medio cento de ximnastas e adestradores participarán na mesma

Cincuenta serán os  deportistas , ximnastas e adestradoras que  participarán, divididos en dous grupos, maña e tarde, en horarios de 10h a 14h e 16h a 20h. Cada ximnasta recibirá diploma e camiseta conmemorativa.

Recepción no concello

A recepción oficial institucional a ilustre deportista por parte do Concello farase no salón de Plenos o sábado ás 15:30h.

Dende o club e o Concello seguen a apostar polo deporte da ximnasia que tantas alegrías leva dando estes anos tanto en nº de participantes como en logros deportivos.

A Concellería de Deportes agradece unha vez máis aos clubs a súa gran labor que  pon ao noso Concello como referente a nivel provincial e autonómico no mundo do deporte.