O Concerto de Rosa Cedrón na casa da cultura de Xinzo chea de público , puxo o broche de ouro a unha série de actos programados  polo Concello dende a Concelleria de Igualdade durante o mes de novembro.

Actos que deron  comezo o dia 16 e remataban onte, cun fermoso e emotivo concerto da grande artista, música e compositora Rosa Cedrón,  acompañada por Miguel Artús ao piano.

Rosa Cedrón interpretou varias canción dos seus discos Nada que perder, Entre dous mares, así como algún tema con letras de Rosalía de Castro quen de seguro manifestou a alcaldesa que estivo acompañada de varios membros do seu goberno “sería unha loitadora polos dereitos das mulleres si vivira hoxe, porque foi unha adiantada no seu tempo”

Rosa fixo mención a loita das mulleres, a causa feminista e a Igualdade.

Muller e cantante comprometida na loita contra a Violencia de Xénero, foi unha ledicia escoitar a súa voz en Xinzo por unha boa causa. Manifestou Elvira Lama ao finalizar .