Xinzo de Limia, a 02 de outubro de 2023.  Este domingo, a Casa da Cultura de Xinzo de Limia acolleu o fermoso homenaxe a Kepa Junkera, artista folk internacionalmente recoñecido e un dos máximos expoñentes da música en euskera.

Os organizadores do evento, xunto con Carlos Gómez, concelleiro de Cultura, conduciron un acto que estivo marcado pola emoción, pola música e pola cultura. Tamén houbo espazo para que a Pantalla, o traxe do Entroido de Xinzo, contribuise coa súa particular homenaxe ó facer soar as campás arredor de Kepa. Estiveron presentes outros membros da corporación local e representantes de Entroidos próximos.

O fermoso acto serviu ademáis como presentación do seu libro, Berpiztu, onde nos conta como foi o seu renacer tras un ictus sufrido fai agora cinco anos. O músico local Daniel Fariñas foi o encargado de ler o discurso que trouxo preparado Kepa Junkera, cargado de humor e recoñecementos para a xente da Limia.