Xinzo de Limia, 9 de xaneiro de 2026.- O Concello de Xinzo de Limia presentou este venres a programación oficial do Entroido 2026, confirmando un calendario que abrangue dende o 24 de xaneiro ata o 22 de febreiro. Un mes de actividade frenética que reafirma á vila como o destino de referencia do inverno en Galicia, combinando o respecto escrupuloso pola tradición coa capacidade para atraer a miles de visitantes con grandes eventos musicais.

A programación deste ano reforza a aposta polo ocio musical de primeiro nivel para todas as xeracións. O ciclo abrirase o sábado 24 de xaneiro co esperado Petardazo, que contará coa actuación estelar de Henry Méndez para dar a benvida á festa xunto á Orquestra Origen. Outro dos momentos álxidos chegará o venres 13 de febreiro coa II Festa Glam. Tralo éxito da pasada edición, este ano o evento contará coa presenza do icónico grupo Locomía, que traerá a Xinzo a estética e os ritmos que marcaron unha época. Así mesmo, o Domingo Corredoiro, día 8 de febreiro, a música correrá a cargo dunha das formacións máis potentes de Galicia, a orquestra París de Noia, mentres que a orquestra Miramar actuará o Domingo de Entroido.

Para manter o ambiente festivo en cada recuncho da vila durante todo o mes, realizouse un esforzo sen precedentes na programación de rúa. O Entroido 2026 contará coa participación de máis de 25 agrupacións musicais diferentes que ofrecerán, en total, máis de 70 pases de animación ao longo destas cinco semanas . Entre elas destacan charangas de primeiro nivel como Achicoria, Élite, La Nota, BCB ou Stacazzo, pero tamén formatos alternativos de grande éxito como La Duendeneta, que animará a noite do Domingo de Entroido e a sesión vermú do Luns. A música tradicional tamén terá un papel protagonista, con agrupacións como A Requinta da Laxeira no Domingo Oleiro ou o concerto do recoñecido grupo folk Os D'Abaixo o sábado 31 de xaneiro, tralo Colgamento do Meco.

Máis aló dos grandes focos, o programa mantén intacta a columna vertebral do Entroido de Xinzo, respectando os tempos que marca a tradición. As citas sucederanse comezando polo Domingo Fareleiro o 25 de xaneiro, seguido do Colgamento do Meco o día 31 e o Domingo Oleiro o 1 de febreiro, ata chegar á fin de semana de Corredoiro e os días grandes de Entroido. Todo isto baixo a atenta mirada das Pantallas, figuras únicas e ancestrais que farán a súa primeira aparición o Domingo Corredoiro para impor a súa lei e outorgar identidade e sentido á celebración.

Outra das grandes noticias deste 2026 é a recuperación dun clásico: o Festival da Canción Humorística. O Sábado de Entroido (14 de febreiro), a Praza Maior volverá ser escenario da sátira, a crítica social e a retranca, devolvendo ao programa oficial un certame que busca revivir o enxeño e a copla como formas de expresión fundamentais da nosa festa

Esta programación, deseñada pola Concellería de Festas e Xuventude, busca consolidar o Entroido como o principal motor económico da vila e unha ferramenta de proxección exterior inigualable. Xinzo prepárase así para recibir a milleiros de persoas dispostas a gozar dunha festa única, baixo a premisa de que "o Entroido de Xinzo non se explica, vívese".

PROGRAMACIÓN ENTROIDO XINZO DE LIMIA 2026 Do 24 de xaneiro ao 22 de febreiro

SÁBADO 24 DE XANEIRO – PETARDAZO (Praza Carlos Casares)

• 21:00 - 23:45 h: Orquestra ORIGEN.

• 23:30 - 00:30 h: HENRY MÉNDEZ en concerto.

• 00:00 - 00:01 h: Petardazo de benvida ao Entroido 2026.

• 00:30 - 01:15 h: Pasarrúas con Xituma Batuke.

• 00:45 - 03:00 h: Disco móbil Apocalipsis (Praza Maior).

• 01:15 - 02:15 h: Pasarrúas coa charanga Achicoria.

• 02:15 - 03:00 h: Pasarrúas con Xituma Batuke.

DOMINGO 25 DE XANEIRO – DOMINGO FARELEIRO

• 17:00 h: Reparto da Fariña e comezo das FARELADAS na Praza Maior e casco vello da Vila.

SÁBADO 31 DE XANEIRO – COLGAMENTO DO MECO

• Saída do Meco: Dende o Museo Galego do Entroido ata a Praza de Oriente.

• Entre lusco e fusco: Saída do Meco dende a Praza de Oriente ata a Praza Maior.

  • Percorrido: Rúa Galicia, Rúa da Sé, Rúa Santa Mariña, Rúa do Peto, Avda. de Ourense e remate na Praza Maior.

• 21:00 h: Concerto The Tetas' Van (Praza Maior).

• 22:00 h: Concerto Os D'Abaixo (Praza Maior).

DOMINGO 1 DE FEBREIRO – DOMINGO OLEIRO

• 12:30 h: Saída do Carro das Olas dende o Museo do Entroido.

• 13:00 h: Oleiro Infantil na Praza Maior.

  • Animación: Pasarrúas con A Requinta da Laxeira e grupos locais.

• 16:00 h: Saída do Carro das Olas dende o Museo do Entroido acompañado por A Requinta da Laxeira e o Coro Aimil.

• 16:30 h: OLEIRO na Praza Maior e polas rúas do Casco Vello.

• Durante o día: Animación de rúa cos grupos A Requinta da Laxeira, Tarde Piaches, Lirolaio, Os da Pedra Alta, Aimil Folck e Os Galos de Antioquia.

SÁBADO 7 DE FEBREIRO – SÁBADO DE CORREDOIRO

• 20:00 h: Festival Novas Músicas (Praza San Roque).

  • Isma B b2b Alex Vigo.

  • Skarmenta b2b Eyra.

  • Jay Rodric b2b Jackloops.

  • 9noa.

• Pasarrúas:

  • 21:15 - 22:00 h: Bloco Trifulka (Batucada).

  • 22:00 - 23:00 h: Armando Jarana.

  • 23:00 - 00:00 h: Sound Band.

  • 00:00 - 00:45 h: Bloco Trifulka (Batucada).

  • 00:00 - 01:00 h: Armando Jarana.

  • 01:00 - 02:00 h: Sound Band.

  • 02:00 - 03:00 h: Armando Jarana.

DOMINGO 8 DE FEBREIRO – DOMINGO DE CORREDOIRO

• 12:00 h: Xuntanza de Pantallas no Museo Galego do Entroido.

  • Percorrido: Saída cara a Praza Maior, Rúa Dous de Maio, Avda. de Madrid, Avda. Ourense e Praza Maior.

• 19:00 - 22:00 h: Actuación da Grande Orquestra PARÍS DE NOIA (Praza San Roque).

• Pasarrúas:

  • 12:00 - 13:00 h: Sound Band.

  • 13:00 - 14:00 h: Armando Jarana.

  • 14:00 - 15:00 h: Sound Band.

  • 18:00 - 19:00 h: Sound Band.

  • 19:00 - 20:00 h: Armando Jarana.

  • 20:00 - 21:00 h: Sound Band.

  • 21:00 - 22:00 h: Armando Jarana.

VENRES 13 DE FEBREIRO – VENRES DE ENTROIDO

• 11:30 - 13:00 h: Gran Desfile Infantil.

  • Percorrido: Avda. de Madrid (cruce San Sebastián), Avda. de Ourense, Rúa Marcelo Macías e remate no CEIP Carlos Casares.

  • Charangas: A Felga, Tatoo, CLK, Bandiños Band e Achicoria.

• 18:00 - 19:30 h: Festa de animación infantil na Praza Maior.

• 21:00 h: II FESTA GLAM coa actuación estelar de LOCOMÍA.

• 23:30 h: Bloco Trifulka Batucada.

• Pasarrúas:

  • 22:00 - 23:00 h: Charanga La Nota.

  • 23:00 - 00:00 h: Charanga Élite.

  • 00:00 - 01:00 h: Charanga La Nota.

  • 01:00 - 02:00 h: Charanga Élite.

SÁBADO 14 DE FEBREIRO – SÁBADO DE ENTROIDO

• 18:00 h: Festival da Canción Humorística do Entroido 2026 (Praza Maior).

• Pasarrúas Mañá e Tarde:

  • 12:00 - 14:00 h: Charanga La Nota.

  • 14:00 - 15:00 h: Charanga Élite.

  • 18:00 - 19:00 h: Charanga Élite.

• Pasarrúas Noite:

  • 19:00 - 20:00 h: Charanga Los Fugitivos.

  • 20:00 - 21:00 h: Charanga Patalea.

  • 21:00 - 22:00 h: Charanga Élite.

  • 22:00 - 23:00 h: Charanga Achicoria.

  • 23:00 - 00:00 h: Charanga Los Fugitivos / Charanga Louband.

  • 00:00 - 01:00 h: Charanga Achicoria / Charanga Patalea.

  • 01:00 - 02:00 h: Charanga Los Fugitivos.

  • 01:00 - 02:30 h: Charanga Louband.

  • 02:00 - 03:00 h: Charanga Patalea.

DOMINGO 15 DE FEBREIRO – DOMINGO DE ENTROIDO

• 13:00 - 14:00 h: Concerto estático Charanga BB+ (Praza Maior).

• 19:00 - 22:00 h: Orquestra MIRAMAR (Praza de San Roque).

• 22:00 - 01:00 h: LA DUENDENETA (Praza Maior).

• Pasarrúas:

  • Mañá/Tarde: Charanga Patalea, Achicoria, Animación Brassdas.

  • Noite: Charanga Fugitivos, BB+, Animación Brassdas, Achicoria.

LUNS 16 DE FEBREIRO – LUNS DE ENTROIDO

• 13:00 - 14:30 h: Sesión Vermú con LA DUENDENETA (Praza Maior).

• 18:00 - 19:30 h: Animación Infantil (Praza Maior).

• 01:00 h: Concerto con FESTICULTORES TROUPE (Praza Maior).

• Pasarrúas:

  • Mañá: BB+, Brass Dass, Achicoria.

  • Noite: Brass Dass, BB+, BCB, Bloco Trifulka, Achicoria, Stacazzo.

MARTES 17 DE FEBREIRO – MARTES DE ENTROIDO

• 17:00 h: GRAN DESFILE DO ENTROIDO 2026.

  • Animado polas charangas: Nova Trives, A Felga, Bandiños Band e CLK.

• 19:00 - 22:00 h: Grupo M3 (Praza San Roque).

• Pasarrúas:

  • Mañá/Tarde/Noite: Charanga Bandiños Band, BCB, Grupo Stacazzo.

MÉRCORES 18 DE FEBREIRO – MÉRCORES DE CINSA

• 20:00 h: Solemne Procesión coa Sardiña.

  • Acompañada da Agrupación Musical da Limia.

  • Percorrido: Praza Maior, San Roque, Toural, Dous de Maio, Avda. Madrid, Avda. Ourense, Praza Maior.

• 21:45 h: Testamento da Sardiña (Praza Maior).

• 22:30 h: Queima da Sardiña (Praza Carlos Casares).

SÁBADO 21 DE FEBREIRO – SÁBADO DE PIÑATA

• 18:00 h: Festa da Cucaña (Praza Maior).

• 20:00 h: Baile de Mascaritas e Capuchóns coa animación musical do Dúo Élite (Praza Maior).

DOMINGO 22 DE FEBREIRO – DOMINGO DE PIÑATA

• 17:00 h: Festa da Piñata (Praza Maior).

• 19:00 - 22:00 h: Actuación da Orquestra COMPOSTELA.

• 19:30 h: Entrega de premios do desfile Entroido 2026.

• 21:00 h: Descolgamento do Meco (Praza Maior).

• Pasarrúas: Pacharanga Sound Leon e Charanga BCB durante todo o día.