Xinzo de Limia, a 11 de xullo de 2023. Este martes asinouse o convenio entre a Consellería de Medio Rural, coa presenza do conselleiro José González; e a comunidade de regantes Nova Limia, presidida por Amador Saborido. 

No acto participou tamén Alfonso Rueda, Presidente da Xunta de Galicia. O alcalde de Xinzo de Limia, Amador Díaz, que ademáis foi un dos promotores da Mesa da Limia, dirixiu o evento e aproveitou para lembrar que “esta comarca é a principal agrogandeira de Galicia e temos que conseguir poñela en valor por toda Europa”.

A sinatura deste convenio é un paso máis para que o Regadío da Limia sexa unha realidade e ratifica o apoio económico da Xunta de Galicia á nosa comarca.